სამედიცინო დაწესებულებების (ჯანმრთელობის დაცვის პერსონალის) საქმიანობის ძირითადი პრინციპების განსაზღვრა, რომელიც მოიცავს სამედიცინო მომსახურების დაწესებულებების (ჯანმრთელობის დაცვის პერსონალის) მიერ ძალადობის ფაქტის გაანალიზების, გამოვლენის, დოკუმენტირების, გადაუდებელი მხარდაჭერისა და რეფერირების საკითხებს. ასევე, თავისი კომპეტენციის ფარგლებში, შშმ პირთა ინსტიტუციებში, სათემო ორგანიზაციებში, თავშესაფრებში, მინდობით აღზრდასა და მცირე საოჯახო ტიპის სახლებში ქალთა მიმართ ძალადობის ან/და ოჯახში ძალადობის პრევენციის, იდენტიფიცირებისა და რეაგირების მექანიზმების შემუშავება.

ოფიციალურ გვერდზე გადასასვლელად დააჭირე აქ - https://www.moh.gov.ge/ka/

სახელმწიფო ზრუნვის სააგენტოს უფლებამოსილებას ეროვნული რეფერირების პროცედურების ფარგლებში წარმოადგენს ქალთა მიმართ ძალადობის ან/და ოჯახში ძალადობის: ა) მსხვერპლთა/დაზარალებულთა (მათზე დამოკიდებულ პირ (ებ)თან ერთად) თავშესაფრით, კრიზისული ცენტრის ან/და სხვა მსგავსი ტიპის დაწესებულების მომსახურებებით უზრუნველყოფა; ბ) ქალთა მიმართ ძალადობის ან/და ოჯახში ძალადობის დანაშაულზე დაზარალებულად ცნობილი პირისთვის კომპენსაციის გაცემა კანონმდებლობით დადგენილი წესით.

ოფიციალურ გვერდზე გადასასვლელად დააჭირე აქ - https://atipfund.moh.gov.ge/?fbclid=IwAR2QezJsujxeDTS5jevkMn6KLIQOJyZfmF5cohCZAxmlvARVdxlBhiRwZEM

მეტი ინფორმაციის მისაღებად დააჭირე აქ - https://sosfsokhumi.ge/central

მეურვეობისა და მზრუნველობის ორგანოების უფლებამოსილებას ეროვნული რეფერირების პროცედურების ფარგლებში წარმოადგენს ქალთა მიმართ ძალადობის ან/და ოჯახში ძალადობის ფაქტის პირველადი იდენტიფიკაცია და ძალადობის მსხვერპლის გამოვლენა, მისი ინფორმირება -კონსულტირება უფლებების, დაცვისა და დახმარების მექანიზმების თაობაზე; უფლებამოსილი თანამშრომლების მიერ მსხვერპლთა მხარდაჭერისა და თანადგომის ღონისძიებების განხორციელება; საჭიროების შემთხვევაში, დამცავი ორდერის გაცემის პროცესში მონაწილეობა.

სოციალური მომსახურების სააგენტოს უფლებამოსილებას ეროვნული რეფერირების პროცედურების ფარგლებში წარმოადგენს სააგენტოს უფლებამოსილი თანამშრომლების მიერ მოწყვლადი ჯგუფების ოჯახებში განხორციელებული ვიზიტის დროს, ოჯახებისათვის საინფორმაციო მასალის მიწოდება ქალთა მიმართ ძალადობის ან/და ოჯახში ძალადობის მსხვერპლთა დაცვისა და დახმარების მექანიზმების, მათ შორის, საკონსულტაციო და გადაუდებელი დახმარების ცხელი ხაზების თაობაზე.

ოფიციალურ გვერდზე გადასასვლელად დააჭირე აქ - https://ssa.moh.gov.ge/index.php?lang=1&v=0

სამედიცინო სერვისის მიმწოდებლების (ჯანმრთელობის დაცვის პერსონალის) უფლებამოსილება ეროვნული რეფერირების პროცედურების ფარგლებში არის პაციენტის მიმართ ძალადობის ეჭვის გაჩენის შემთხვევაში ან/და პაციენტის მიერ მის მიმართ განხორციელებული ძალადობის ფაქტის იდენტიფიცირების შემთხვევაში, ადგილზე შემთხვევის გაანალიზება, პირველადი იდენტიფიკაცია, დოკუმენტირება, გადაუდებელი მხარდაჭერა, საჭიროების შემთხვევაში რისკის შეფასება, შეტყობინება და რეფერირება, კერძოდ:

- ამბულატორიული სამედიცინო სერვისის მიმწოდებელი (მათ შორის, სოფლის ექიმი) გენდერული ნიშნით ქალთა მიმართ ძალადობის ან/და სექსუალური ძალადობის მსხვერპლი პაციენტის ამოცნობას/შეფასებასა და შესაბამის დოკუმენტირებას უზრუნველყოფს საქართველოს შრომის, ჯანმრთელობისა და სოციალური დაცვის მინისტრის 2011 წლის 15 აგვისტოს №01-41/ნ ბრძანებით დამტკიცებული „ამბულატორიული სამედიცინო დოკუმენტაციის წარმოების წესის " 71 მუხლისა და №61 დანართის (ფორმა №IV-200-5/ბ – გენდერული ნიშნით ქალთა მიმართ ძალადობის /სექსუალური ძალადობის დოკუმენტირება) შესაბამისად;

- სტაციონარული სამედიცინო სერვისის მიმწოდებელი გენდერული ნიშნით ქალთა მიმართ ძალადობის ან/და სექსუალური ძალადობის მსხვერპლი პაციენტის ამოცნობას/შეფასებასა და შესაბამის დოკუმენტირებას უზრუნველყოფს საქართველოს შრომის, ჯანმრთელობისა და სოციალური დაცვის მინისტრის 2009 წლის 19 მარტის №108/ნ ბრძანებით დამტკიცებული „სამედიცინო დაწესებულებებში სტაციონარული სამედიცინო დოკუმენტაციის წარმოების წესის" მე -2 მუხლის 61–65 პუნქტებისა და №11 დანართის (ფორმა №IV-300/ბ – გენდერული ნიშნით ქალთა მიმართ ძალადობის/სექსუალური ძალადობის დოკუმენტირებ) შესაბამისად.